សូមបន្តជួយគាំទ្រ! ស្គរដៃរបស់អ្នកភូមិរហាលកំពុងខ្វះទីផ្សារ គួរឲ្យបារម្ភ
ស្គរដៃជាឧបករណ៍ភ្លេងមួយបែបរបស់ខ្មែរ ដែលអាចប្រគុំក្នុងវង់តន្ដ្រីមួយចំនួន មានភ្លេងការ មហោរី ឆៃយុាំ ជាដើម។ ជារឿយៗស្គរនេះតែងត្រូវបានដាក់លក់នៅតាមទីកម្សាន្តនានា ដើម្បីឲ្យភ្ញៀវទេសចរ ទិញធ្វើជាវត្ថុអនុស្សាវរីយ៍។ ប៉ុន្តែទន្ទឹមនឹងគ្នានេះ ក៏ពុំសូវមានអ្នកគាំទ្រ និងដឹងពីប្រភពដើមរបស់ស្គរនេះឡើយ ដែលធ្វើឲ្យឧបករណ៍បុរាណមួយនេះកំពុងជួបវិបត្តិ។
ជាក់ស្ដែង ស្គរដៃគឺត្រូវធ្វើឡើងនៅ ភូមិរហាល
ដែលមានភូមិសាស្ដ្រនៅប៉ែកខាងជើងស្រះស្រង់
និងប្រាសាទបន្ទាយក្ដី។
បើតាមសម្ដីរបស់អ្នកភូមិនៅទីនោះបានឲ្យដឹងថា របរធ្វើស្គរដៃ
ជារបរ
ដែលនឿយបំផុត
ហើយត្រូវប្រើពេលយូរទើបអាចផលិតស្គរមួយដែលមានរូបរាងពេញលេញ
និង
ឮសំឡេងល្អ។ ហើយអ្វីដែលគេកាន់តែបារម្ភនោះគឺ
មួយរយៈចុងក្រោយនៅឆ្នាំ២០១៨នេះ
អ្នកប្រកបរបរនេះបានត្អួញត្អែរ
ដោយខ្លះចង់បោះបង់របរប្រចាំគ្រួសារនេះក៏មាន ដោយសារកង្វះ
ទីផ្សារហើយមិនសូវមានអ្នកទិញដូចមុនឡើយ។ ហេតុនេះសង្ឃឹមថា បងប្អូនខ្មែរនឹងចូលរួមគ្នា
បន្តការគាំទ្រឧបករណ៍ភ្លេងបុរាណនេះ
ឲ្យមានអាយុកាលយូរអង្វែងបន្ថែមទៀត៕
No comments:
Post a Comment